JEANYFSLR

JEANYFSLR гэдэг нь the Present Perfect Simple цагтай хамт хэрэглэгддэг хамгийн түгээмэл 9 цаг хугацаа заасан хэллэгүүдийн эхний үсгүүдээс бүтсэн товчлол юм.

Маш бага хугацааны өмнө болж өнгөрсөн үйл явдлыг дүрслэхэд ашиглана. Байрлал: have/has болон past participle хоёрын дунд.

• I have just finished my lunch. — Би дөнгөж сая өдрийн хоолоо идчихлээ.

Одоог хүртэлх ямар нэгэн цаг хугацаан дахь амьдралын туршлагаа хэлэхэд ашиглана. Ихэвчлэн асуух өгүүлбэрт, үндсэн үйл үгийн өмнө.

• Have you ever been to Iceland? — Чи Исландад очиж үзэж байсан уу?

Хүлээж байснаас түрүүлж болсон үйл явдлыг дүрслэхэд ашиглана. Байрлал: have/has болон past participle хоёрын дунд, эсвэл өгүүлбэрийн төгсгөлд.

• She has already left for the airport. — Тэр аль хэдийнээ онгоцны буудал руу гарчихсан.

Амьдралдаа огт тохиолдоогүй туршлагын талаар хэлэхэд ашиглана. Байрлал: have/has болон past participle хоёрын дунд. Анхаарах: not гэсэн үгүйсгэлтэй давхар хэрэглэж болохгүй.

• He has never tried sushi. — Тэр хэзээ ч суши амсаж байгаагүй.

Болно гэж хүлээж байгаа буюу болж амжаагүй байгаа үйл явдлыг дүрслэхэд ашиглана. Зөвхөн үгүйсгэсэн болон асуух өгүүлбэрт, бараг үргэлж хамгийн ард.

• Have they arrived yet? — Тэд нар ирчихсэн үү?
• I haven't done my homework yet. — Би гэрийн даалгавраа хараахан дуусаагүй байна.

Цаг хугацааны уртыг заахад ашиглана. Байрлал: цаг хугацаа заасан үгийн өмнө.

• We have lived here for six years. — Бид нар энд зургаан жилийн турш амьдарч байна.

Ямар нэгэн үйл явдал эхэлсэн тодорхой цаг хугацааг заахад хэрэглэнэ. Байрлал: огноо, жил, үйл явдлын өмнө.

• I have worked here since 2021. — Би энд 2021 оноос хойш ажиллаж байна.
• She has been sad since her dog died. — Тэр нохой нь байхгүй болсноос хойш гашуудсаар байгаа.

Ойрын өнгөрсөнд болж эхэлсэн буюу давтагдаж байгаа үйл явдлыг дүрслэхэд ашиглана. Голдуу өгүүлбэрийн төгсгөлд.

• I haven't slept well lately. — Сүүлийн үед сайн унтахгүй байгаа.

Lately-тэй маш ойролцоо утгатай бөгөөд маш бага хугацааны өмнө болсон үйл явдлыг дүрслэхэд ашиглана. Өгүүлбэрийн эцэст эсвэл have/has болон past participle хоёрын дунд.

• They have recently bought a new house. — Тэд нар саяхан шинэ байр худалдаж авсан.